Bílaklúbbur Akureyrar

Á laugardaginn ætlum við að vera með vinnudag og gera klárt fyrir afmælishelgina okkar sem verður um Hvítasunnuna. Við verðum í félagsheimilinu frá kl. 10:00. - 16:00. Gert er ráð fyrir því að klára anddyrið, tengja rafmagn í vesturhluta hússins og ganga frá klósettum. Vonumst til þess að sem flestir geti mætt og hjálpað til við að koma húsinu okkar í stand fyrir sumarið. Samhliða vinnudeginum verðum við svo með opna Auto-X braut fyrir bíla á milli klukkan 14:00. og 16:00., en þar fá ökumenn að prufa stóra hringinn á brautinni okkar.

Lesa meira

Minnum á opið hús í félagsheimilinu okkar í kvöld. Húsið opnar klukkan 20:30.- og það eru allir velkomnir til skrafs og ráðagerða. Heitt á könnunni og hægt að gera A og B á kömrunum þar sem kalda vatnið er nú komið í rennandi formi.

Skráning er nú hafin í fyrstu umferð Íslandsmeistarmótsins í Hjólaspyrnu 2012, en mótið sjálft fer fram laugardaginn 26. maí á akstursíþróttasvæði Bílaklúbbs Akureyrar. Keppt er í 1/16 en upplýsingar um reglur og flokkaskipan má sjá hér. Skráning er opin til mánudagsins 21. maí kl. 23:59. Skráning fer fram í tölvupósti á ba@ba.is


Lesa meira

Það voru ríflega 50 tæki sem smelltu sér í gegnum höfuðstöðvar Frumherja á Akureyri á laugardaginn var en þar vorum við með okkar árlegu fornbílaskoðun. Við þökkum starfsmönnum Frumherja kærlega fyrir góðan dag sem og félagsmönnum okkur fyrir góða mætingu.


Lesa meira

Hér erum við komnir með nokkrar myndir frá skemmtilegu smurkvöldi sem fram fór á miðvikudaginn. Við þökkum Bjössa Vald og samstarfsmönnum hans kærlega fyrir að hafa nennt að standa í þessu með okkur svona utan hefbundins vinnutíma og N1 fær að sjálfsögðu einnig prik fyrir góð afsláttarkjör til félagsmanna B.A. Minnum annars alla á fornbílaskoðunina á morgun - en hún verður frá kl. 10:00. - 14:00. hjá Frumherja í Frostagötunni.

Fornbíladeildin

Bílaklúbbur Akureyrar, í samstarfi við Tíuna, ætlar í sumar að halda Íslandsmeistaramót í hjólaspyrnu á akstursíþróttasvæðinu okkar. Mótið samanstendur af þremur keppnum sem verða laugardaginn 26. maí, föstudaginn 20. júlí og föstudaginn 3. ágúst. Keppt verður í 1/16 eða 100,5 metrum og keyrt verður á Pro-Tree. Skráning í fyrstu keppni hefst á næstu dögum og verður auglýst hér á síðunni ásamt samþykktri flokkaskiptingu.


Lesa meira

Akstursíþróttanefnd ÍSÍ/LÍA hefur hafið sölu á keppnisskírteinum fyrir komandi tímabil á heimasíðu sinni www.asisport.is Við hvetjum keppendur okkar til þess að ganga frá pöntun tímanlega og minnum einnig á að allir þeir sem keppa á bílum hjá okkur í Íslandsmeistaramótum í ár verða að hafa skírteini frá nefndinni og þurfa að vera búnir að ganga frá kaupum á því fyrir keppni. Með öðrum öðrum; það er ekki eftir neinu að bíða - skella sér á skírteini strax og vera klár með það á keppnisstað!

Á laugardaginn kemur, þann 12. maí, verðum við með okkar árlegu fornbílaskoðun í Frumherja á Akureyri og mun skoðun bíla fara fram á milli kl. 10:00 og 14:00. Þessi skoðunardagur er opinn fyrir alla félagsmenn í Bílaklúbbi Akureyrar sem og meðlimi í Fornbílaklúbbi Íslands. Skoðunargjald er 2.000.- krónur á ökutæki og til þess að geta mætt þurfa menn að skrá sig í tölvupósti á ba@ba.is fyrir föstudag. Við skráningu þarf að koma fram nafn eiganda og bílnúmer.

Lesa meira

Eins og vanalega fyrir fornbílaskoðun þá ætlum við að hittast og smyrja fákana fyrir sumarið og mun smurdagurinn að þessu sinni verða að kvöldi til en við tökum næsta miðvikudagskvöld í málið. Það er hann Bjössi Vald sem tekur á móti hópnum í smurstöðinni við Tryggvabraut frá kl. 20:00. Minnum alla á að taka félagsskírteinin með sér til þess að njóta þeirra afsláttarkjara sem N1 býður okkur - annars eru sem fyrr allir velkomnir á staðinn!

Fornbíladeildin

Úff hvað það var gaman í gær, frábært veður og stærri hringurinn tekinn í fyrsta skipti. Það voru sex hjól sem mættu á svæðið og fengu að svitna en þetta er bara brot af því sem koma skal og það er óhætt að segja að það hafi allir farið þreyttir og með sparibrosið heim. Við tókum nokkrar myndir og erum búnir að skella þeim í myndaalbúmið okkar. Takk allir fyrir frábært kvöld!!

Í kvöld verðum við með fyrstu æfingu sumarsins en við ætlum að hefja æfingardagskrá sumarsins á hringakstri á mótorhjólum. Æfingin byrjar kl. 18:00 og við ætlum að hafa opið til kl. 21:00. Það verður keyrt á öllu svæðinu ólíkt því sem við gerðum í fyrra og því mun hringurinn verða um 800 metrar.

Lesa meira

Verðum með heitt á könnunni frá kl. 20:30.- í kvöld í félagsheimilinu okkar og förum yfir viðburði næstu daga en nú fer sumarstarfið að taka völdin hjá okkur. Næstu viðburður verða smurdagur, fornbílaskoðun og bónkvöld í Ystafelli svo eitthvað sé nefnt og svo styttist líka í það að við förum markvisst í það að fegra götur bæjarins með skipulögðum rúntum. Allir áhugamenn ævinlega velkomnir!

Fornbíldeildin

Í tilefni þess að Fornbílaklúbburinn verður 35 ára þann 19. Maí n.k. heldur klúbburinn veglega afmælis bílasýningu að Korputorgi í Reykjavík. Rétt um 80 bílar verða sýndir um þessa helgi og sýningarnefnd lofar góðri og áhugaverðri sýningu enda hefur verið reynt að finna sjaldséða gripi. Sýningin verður sett kl. 17:00  föstudaginn 18. Maí og er þá opið fyrir félaga, en opnað er síðan kl. 18:00 fyrir aðra gesti.

Lesa meira