Bílaklúbbur Akureyrar

Rallykrossdeildin verður með vinnudag morgundagsins og mun mæta í félagsheimilið okkar kl. 13:00.- Það á að leggja nokkra kapla, kíka á milliloftið og taka almenna tiltekt á staðnum. Hvetjum félagsmenn til þess að fjölmenna til okkar svo við getum öll hjálpast að við að græja húsið fyrir sumarið.

Rallykrossdeildin

Akstursíþróttafélag Hafnarfjarðar er nú fyrst okkar samstarfsfélaga að halda keppni á þessu ári en vetrarbikarmót þeirra í rallykrossi hefst sunnudaginn 5. febrúar n.k. Skráning í mótið er hafin og má nálgast allar upplýsingar um skráningu sem og keppnina í heild í meðfylgjandi tilkynningu frá AÍH:

Lesa meira

Fornbíladeildin heldur áfram að huga að Fordinum í kvöld en við ætlum að hittast hjá Björgvini og klára að máta hann hann saman fyrir sprautun. Húsið opnar kl. 20:30.- og það eru allir velkomnir hvort sem er í spjall og kaffi eða til þess að fá að skrúfa í vörubílnum.

Fornbíladeildin

Nú eru einungis örfáir miðar eftir á Þorrablót FBÍ svo við hvetjum þá sem vilja fara með okkur í þessa ferð að skrá sig sem allra fyrst. Skráning fer fram á ba@ba.is

Fornbíladeildin

Flott myndband frá Magnúsi B. Guðmundssyni - þökkum honum kærlega fyrir þessa frábæru klippu!!

Stefán Bjarnhéðinsson tók á móti viðurkenningu frá Íþróttabandalagi Akureyrar á hófi bandalagsins síðastliðinn miðvikudag. Stefán var tilnefndur til titilsins Íþróttamaður Akureyrar fyrir framúrskarandi árangur sinn í sportinu á liðnu ári. Alls voru 15 tilnefningar til þessa titils en eins og áður hefur komið fram var það hún Bryndís Rún Hansen, sundkona í Óðni, sem hampaði titilinum að þessu sinni - rétt eins og síðustu tvö ár.

Lesa meira

Við tökum næstu rispu í félagsheimilinu okkar á laugardaginn og verðum með húsið opið frá kl. 13:00.- og eitthvað frameftir degi. Farið verður betur yfir rafmagn í austurhlutanum á húsinu ásamt því að klæðning verður fest upp í ganginum þar. Hvetjum sem flesta til þess að kíkja við og hjálpa til!

Stjórnin

Sundkonan Bryndís Rún Hansen var í kvöld kjörin íþróttamaður ársins á Akureyri árið 2011 í hófi sem fram fór á Hótel KEA. Þetta er í þriðja sinn í röð sem Bryndís verður fyrir valinu. Í öðru sæti varð handknattleikskappinn Oddur Gretarsson, leikmaður Akureyrar, og í þriðja sæti Helga Hansdóttir júdókona hjá KA.

Lesa meira

Á fornbílakvöldi vikunnar ætlum við að hittast í skúrnum hjá Olafsson Racing og kíkja aðeins á Fordinn okkar. Farið verður yfir næstu skref í uppgerðinni svo við getum komið grindinni í málun og farið að vinna í því að koma kraminu á sinn stað í framhaldi af því. Við opnum húsið kl. 20:30.- og það eru allir áhugamenn velkomnir til okkar.

Fornbíladeildin

Félagsheimilið okkar er nú með tíð og tíma að taka á sig heimilislegri mynd en við vorum með vinnudag á laugardaginn þar sem farið var yfir rafmagnið í húsinu og almenn tiltekt tekin. Það eru þó enn ærinn verkefni fyrir sumarið í húsinu en með hverri vinnustund þá styttist í það að kofinn verði klár fyrir tímabilið í ár. Hér má sjá nokkrar myndir af afrakstri helgarinnar.

Við ætlum að taka okkur nokkrir saman í fornbíladeildinni og renna á Þorrablót FBÍ þann 18. febrúar næstkomandi. Við notum að sjálfsögðu tækifærið og kíkjum í skemmtilegar skúraheimsóknir í leiðinni og lítum jafnvel á einhver vel valin ryðflök á leið okkar um landið. Þeir sem hafa áhuga á því að taka þátt í þessari ferð eru beðnir um að senda línu á ba@ba.is og skrá sig. Það er takmarkað miðaframboð í blótið svo það eru fyrstir koma fyrstir fá!

Fornbíladeildin

Við verðum með félagsheimilið opið frá kl. 13:00. - 16:00. á laugardaginn og ætlum að halda áfram að reyna að gera eitthvað gagn á staðnum. Öll hjálp vel þegin, allt frá einu handtaki yfir í ofurverkstjóra. Það er alveg ótrúlegt hvað það gerist mikið á skömmum tíma sjæningunum ef það eru margar hendur á staðnum.

Við tökum kaffi og spjall í félagsheimilinu okkar í kvöld. Þeir allra æstustu geta einnig fengið að taka aðeins til en samhliða fornbílakvöldi verður vinnukvöld. Eitthvað vantar okkur líka af hillum og skrifstofubúnaði á staðinn svo ef einhver félagsmaður á umframbirgðir af slíkum varningi þá eru allar ábendingar vel þegnar í kvöld. Sjáumst hress!

Fornbíladeildin

Við verðum með vinnukvöld samhliða fornbílakaffi annað kvöld og hvetjum sem flesta til þess að mæta. Það er enginn vinnuskylda en það sýndi sig svo sannarlega í síðustu viku að það þarf ekki marga til til þess að sjá mikinn mun á nýju vistarverum okkar. Húsið opnar kl. 20:30.- og það eru að sjálfsögðu allir velkomnir!