Bílaklúbbur Akureyrar

Á heimasíðu AÍFS er nú að finna skemmtilegar fregnir af framkvæmdum á Reykjanesi en þar var í gær tekin fyrsta skóflustungan af nýju og glæsilegu ökugerði. Það er Nesbyggð ehf sem sér um framkvæmdir á staðnum og samkvæmt upplýsingum frá þeim á fyrsti áfangi svæðisins að vera tilbúinn strax í vor.

Til stendur að byggja ökugerði samkvæmt reglugerð Umferðarstofu þar um með hálkubrautum og öllu tilheyrandi en jafnframt á að setja upp á staðnum um 900 metra langa Go-Kart braut. Framtíðar áform eru svo um brautir fyrir supermoto, rallykross og aðstöðu fyrir torfærukeppnir.

Við óskum áhugamönnum, rekstaraðilum og landsmönnum öllum innilega til hamingju með þennan frábæra áfanga og vonum að uppbygging rísi hratt og vel!